الرئيسية التغذية التونة وتسمم الزئبق وهل تناول التونة يوميا يسبب تسمم الزئبق

التونة وتسمم الزئبق وهل تناول التونة يوميا يسبب تسمم الزئبق

بواسطة - المهندس خالد عبدالله
1 تعليق

التونة وتسمم الزئبق موضوع مهم جدا حدث فيه الكثير من النقاشات الطويلة والكثير من الاقاويل وهل فعلا لو تناولت سمك التونة بشكل يومي سيحدث لى تسمم من الزئبق الموجود فى التونة .

تعالوا سويا نوضح بعض النقاط المهمة جدا حول التونة وتسمم الزئبق وهل مسموح لى بان اتناول التونة يوميا بدون مشاكل اقراء المقال كامل حتى تسفيد من المعلومات الرائعة تعالوا نبدأ .

التونة وتسمم الزئبق

التونة وتسمم الزئبق

شوفت اسئلة كتير عن موضوع التونة و الزئبق.. فقلت اوضح شوية نقط (تجنبا للفتي)

مبدئيا كده.. لو تبحث عن الخلاصة  :

3 علب تونة في الاسبوع ايا كان نوعها لا يوجد اي مشاكل

ولكن يوجد انواع من الممكن ان تاكل منها من 7-8 علبة في الاسبوع

اذا ما الفرق بين هذا وذاك واى الانواع يمكننى ان اتناولها بشكل يومى اقرأ النقاط والشرح التالى لكى تكون الصورة واضحة لك تماما .

مقال ذات صلة : فوائد التونة للاعب كمال الاجسام الغذاء السحرى

الفرق بين انواع التونة وايهما افضل للتناول بشكل يومى

التونة عموما نوعين رئيسيين:
لا مش صن شاين و تي سي بوي 😂😂

النوع الاول :

لحم التونا الابيض.. White tuna

و ده نوع واحد.. سمكة اسمها albacore

نسبة الزئبق في العلبة حوالي 50 ميكروجرام

اعرفه ازاي؟
من اسمه كده هتلاقي لونه فاتح.. طعم زفارة السمك باين فيه اكتر

النوع الثانى :

لحم التونة الخفيف.. Light tuna

و ده انواع كتير تندرج تحته.. اشهرها skip jacj و yellow fin

نسبة الزئبق اقل بكتير.. 20 ميكروجرام فقط في العلبة

اعرفه ازاي؟
هتلاقيه لونه غامق مايل للاحمر.. و طعمها اخف شوية

تمام.. كده عرفنا نسبة الزئبق في التونة.. اعمل ايه بقا؟

اعمممممممل الصح 😂😂

ما هو اقصى استهلاك امن للتونة والزئبق

اقصى استهلاك امن للزئبق يوميا عندك تقديرين..

تقدير متحفظ شوية بيقول 0.1 ميكروجرام لكل كيلو من وزن الجسم يوميا

و تقدير متساهل شوية بيقول 0.3 ميكروجرام لكل كيلو من وزن الجسم يوميا.. و ده اللي هناخده بما اننا مصريين و ناكل الزلط 😎😎

يبقى كده لو وزنك 75 كيلو.. تقدر تاخد 22.5 ميكروجرام يوميا.. يعني حوالي 157 ميكروجرام اسبوعيا

لو قسمناهم على 50 بتوع لحم التونة الابيض.. يبقى 3 علب اسبوعيا

لو قسمناهم على 20 بتوع لحم التونا الخفيف.. يبقى 7-8 علب اسبوعيا

ده العلم حلو اوي يا ولااااااااد 😂😂😂

بعض النقط السريعة والمهمة حول التونة وتسمم الزئبق

1- فيه ابحاث عن ان جسم الشخص الرياضي يقدر يتحمل نسب زئبق اعلى.. و ان الحسابات اللي فوق للاشخاص العاديين (بس خلينا في الامان)

2- فيه كلام ان حتى الجسم العادي يقدر يتحمل اكتر.. و ان الهلع من الزئبق بدأ في 2004 لما FDA اوصت بمنع الحوامل من تناول الاسماك اللي بتحتوي على الزئبق

3- خطورة الزئبق غير انه سام.. انه بيعوق الجسم عن امتصاص المعادن التانية زي الحديد و الماغنسيوم و ده بيؤدي لاضرار كتير

4- انا مش دكتور و مش مدرب اون لاين.. بس اما باكتب معلومة باتأكد منها مليووووون مرة

5- مش هاحط لينك دراسات.. اولا لان محدش هيفتحها.. ثانيا مش محتاجين دراسة تقول لنا قلل التونة.. احنا كده كده مقللين لاسباب اقتصادية بحتة 😂😂

كتب هذه المقالة : مهندس خالد عبدالله

1 تعليق

Amani 6 أغسطس, 2020 - 1:45 م

معلومات هايلة وخفة دم كمان .. شكرا مهندس خالد

رد

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول اقرأ المزيد