الرئيسية التغذية كيف نصل لاحتياج الجسم الكامل من الفيتامينات والمعادن ؟

كيف نصل لاحتياج الجسم الكامل من الفيتامينات والمعادن ؟

بواسطة -كابتن/ محمد مصطفى
0 تعليق

كيف نصل لاحتياج الجسم الكامل من الفيتامينات والمعادن ؟ سؤال يحير الكثيرين ممن يريديون اتباع نظام غذائى صحى بشكل كامل وايضا لاعبى كمال الاجسام والرياضيين ومن يريدون انقاص وزنهم .

سؤال يحير الكثيرين ممن يريديون اتباع نظام غذائى صحى بشكل كامل وايضا لاعبى كمال الاجسام والرياضيين ومن يريدون انقاص وزنهم .

فلا يوجد أسهل من انشاء نظام غذائي يحقق احتياج جسمك من البروتين ولكن المشكلة الحقيقية إنك تتأكد إن هذا البرنامج الغذائي يحقق احتياج جسمك من المعادن والفيتامينات ومضادات الأكسدة .

اذا كيف نصل لاحتياج الجسم الكامل من الفيتامينات والمعادن ؟

كيف نصل لاحتياج الجسم الكامل من الفيتامينات والمعادن ؟

الموضوع يتطلب منك معرفة عدة أشياء وهى :

1- معرفة RDI Reference Daily Intake
وهو معدل احتياج جسمك من كل معدن أو فيتامين وهذا الرقم يتغير من الرجل للمرأة و يتغير من الشخص الخامل للرياضي ويتغير تبعا للسن من الطفل للشاب للشيخ ويتغير من المتزوج للأعزب و وغير ذلك من العوامل
2- معرفة الآكلات المختلفة ومحتوايتها من المعادن والفيتامينات3- معرفة كيفية استفاده الجسم من هذه المعادن والفيتامينات وامتصاصها لإن الجسم لا يستطيع الإستفاده من الكل في نفس الوقت

4- تصميم البرنامج الغذائي ثم اكمال الناقص من احتياجك بمكملات الفيتامينات vitamins supplements

5- الحذر من الوصول للـ overdose أو upper limit من هذه المعادن والفيتامينات

يمكنك ايضا زيارة هذه الصفحة للاطلاع على مكملات الفيتامينات والمعادن

شرح مكملات الفيتامينات والمعادن

اهمية الفيتامينات والمعادن

كل ما الواحد بيفهم أكثر في مجال التغذية كل ما بيحس هو اد إيه كان بيضر نفسه في نظم الدايت اللي كان بيعملها وبينصح بها غيره في يوم من اﻷيام ..
• نظم الدايت مش مجرد سعرات حرارية أقل من احتياجك حتى تقلل وزنك وخلاص ..
• وﻻ مجرد انك تتأكد إنك وصلت لنسبة عالية من البروتين عشان العضلات تطلع وتعمل فورمة ..
• وﻻ مجرد إنك تجيب مالتي فيتامين تشربه مع تقليل سعراتك ..
كل ده كلام سطحي جدا ..
• إنت عارف إنك لو ما آكلتش دهون مفيدة هرمون التستيستورون مش حيزيد إفرازه وﻻ كثير من الفيتامينات حتذوب في جسمك عشان يستفيد بها .
• إنت إصلا لو شربت الشاي بعد تناول الحديد النباتي جسمك مش حيستفيد بيه ..

• وبرده لو أخدت كالسيوم بدون فيتامين D جسمك مش حيستفيد بيه ..
• ولو أخدت حديد بدون فيتامين C جسمك مش حيمتصه ..

• إنت عارف إنك ممكن تكون أوزانك واقعه في التمرين بسبب نقص الحديد ..
يعني معقولة يكون معدن الحديد يعمل كده ؟؟
آآه طبعا ..

طب أنا بقى حآكل كل يوم لحمة وكبده وكل حاجة فيها حديد !!
ما هو إنت برده لو زودت عن Upper Limit للحديد حيحصل ليك تسمم ..
• هل تعلم إن في ﻻعيبه كثير حصل ليها أمراض خطيرة في فترات التنشيف بسبب عدم حصولهم على احتياج جسمهم من ال micronutrition

• أنا فضلت فترة طويلة بأخد حبة واحدة فقط في اليوم من بعض أنواع الأوميجا 3 المعروفه
ولما فهمت عرفت إني المفروض أخد 7-8 اقراص يوميا منها ..
ولو جبتك نوع ثاني من اﻷوميجا 3 وأخدت منه 3 أقراص ممكن يحصل ليك نزيف ..
حتقولي إنك جايب أوميجا 3 – 6 المستورد
حقولك ما إنت برده غلط تأخد الأوميجا 3 مع الأوميجا 6 في نفس الوقت

حاسس إنك مش مقتنع أو مستغرب
طب حديك مثال بسيط :
فيتاماكس بلس أكثر الأنواع المصرية المشهورة للمالتي فيتامين يحتوي على 55 ملي جرام من الكالسيوم
واحتياج جسمك من الكالسيوم هو 1000 ملي جرام
يعني محتاج تأخد 18 واحدة فيتامكس عشان توصل لإحتياج جسمك من الكالسيوم فقط
فما بالك بقى لو مش بتأخد كالسيوم في برنامجك الغذائي ممكن يحصل ليك إيه ؟
وبعدين إنت إصلا لو أخذت الكالسيوم مع الزنك أو مع الحديد أو مع الماغنسيوم ، معدن واحد بس اللي الجسم حيتمصه ويستفيد بيه ..
يعني إنت لو بتآكل وجبة غنية بالكالسيوم مع وجبة غنية بالحديد معدن واحد فقط اللي الجسم حيستفيد بيه
يعني في الآخر ممكن يحصل ليك أنيميا أو يحصل ليك هشاشة في العظام

فما بالك بكل الكم المنوع من كل الفيتامين والمعادن اللي موجود في المالتي فيتامين ..

حاسس إن عندك في ذهنك الكثير من اﻷسئلة
صعب أجاوبك على كل الأسئلة اللي في ذهنك خاصة إن التغذية ده علم واسع عايز متخصصين

باختصار أنا عايز أقولك إن نظم التغذية عايزة متخصصين يصمموا برنامج خاصة لكل شخص حسب احتاجه ونشاطه ونسبه دهونه ونسب عضلاته ..

طب اعمل إيه ؟
عايزك لا تثق في كلام أي مدرب إلا لما تشوف مصدر كلامه وتبحث وراءه
لا تقتنع بالمعلومة إلا من خلال الدراسات العلمية
حتى الدرسات دي اقرئها وترجمها وشوف كمان تاريخ إصدارها وشوف مين اللي أشرف على تنفيذها ومدتها وعدد أفرادها
وقتها فقط حيكون عندك قناعة وعندك دليلل على معلومتك
ومحدش حيقدر يغير تفكيرك
وحتقدر بمنتهى البساطة تفرق بين اللي بيفهم ودارس وبين الشخص الهاوي
الموضوع حيأخد منك وقت آكيد

كتب هذه المقالة المهندس محمد مصطفى

0

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول اقرأ المزيد